Al otru llau del silenciu
Al otru llau del silenciu habita la súplica más dura.
Espero en ti.
Que me busques, que veas esta
enfermadá,
que me llames y qu’al pronunciar tu’l mio nome
yo n’el
me reconoza.
Espero que desentierres l’orbayu
d’esta mirada, d’estos dos
pozos vacíos, d’estos dos
pozos secos.
Esta ye la única puerta
que t’abro.
Crucia’l quiciu.
Num me dexes solu. Sabes
que crecí entre’l dolor. Sé
que tu yes esa palabra
que corrixe la soledá. Sé
que tu m’esperes
al otru llau d’esti silenciu
onde habita escondida esta súplica
Xurde Álvarez
No hay comentarios:
Publicar un comentario