Ante el cuadro de Piñole “El naufragio”
Galmia la madre al cielo, porque´l fiu
ta tiráu ensin vida so l’arena.
La mar detrás, sorda ante tanta pena,
xuega col barcu, yá medio fundíu.
Prencipiaba a ser mozu, y tan bravíu
como fuera so padre. Una ballena
dexára-ylu ensin vida, na faena
de gana-yos el pan pa ella y el criu.
Trabayando ensin duelu foi manera:
-“Sardinones, muyeres”!- de que viera
fechu un llobu de mar al rapacin.
Y agora, pol ptrabayu gastaína,
tol salobre del mar tien la prubina
ena boca, galmiando pol fiyín.
Florina Alías
No hay comentarios:
Publicar un comentario