La quinta perdía
[Fragmento]
¡Ai, la mio quintana, prubitina d’ella!
¡Ai, la mio quintna, la de los mios güelos”!
Tá desconocía.
Per dientro y per fora tá cambiá dafechu.
Non ye la de antis:
yá no tien regueros
d’agua cristalina y mermuraora
semeyando espeyos,
en ondi les xanes, con rueques de oru
texen cadexos.
Yá non tien fontanes pa poner el ramu
en la nochi guapa de Xuno primeru.
¡Nochi de san Xuan cuayá d’estrellines
y preñá d’ensuenos!
[…]
Hoy los mozos canten cantares extraños,
fediendo a extranxeru.
Una xeringonza que nin Dios la entiende,
nin el diañu mesmu,
pos canten con voces que nin son de homes
nin ye de muyeres tampoco el acentu.
Fuéronse olvidando les guapes tonaes,
les que pa cantales inflábase’l pechu,
pos yeren cantares de homes bragaos,
cantares montiegos,
con son de fontana
y arume a romeru,
y el sonar braviu de los ¡ixuxús!
per montes y valles cortando los vientos.
Luis Aurelio Álvarez
No hay comentarios:
Publicar un comentario